From the Pastor's Desk

அன்பான வார்த்தை திருச்சபை குடும்பத்தினருக்கு, இயேசு கிறிஸ்துவின் இணையற்ற நாமத்திலே வாழ்த்துக்கள்!

மிகவும் சிறப்பான மற்றும் வெற்றிகரமான தொடக்க ஆராதனையை ஜூலை 5ம் தேதி (2026 ), நாம் பெற்றோம்! உங்கள் ஒவ்வொருவருக்கும் என் மனமார்ந்த வாழ்த்துகள்! இந்த புதிய தொடக்கமானது, இந்த சபையை ஒன்றிணைத்த விசுவாசம், அர்ப்பணிப்பு மற்றும் தொலைநோக்கு பார்வைக்கு ஒரு வலிமையான சான்றாகும்.

இந்தப் புதிய அத்தியாயத்தில் நாம் அடியெடுத்து வைக்கும் இந்த வேளையில், நம் திருச்சபையின் பெயரின் அர்த்தமான ‘வார்த்தை’ என்பதை மையமாக வைத்து ஒரு சிறு உற்சாக வார்த்தையை உங்களுடன் பகிர்ந்துகொள்ள விரும்புகிறேன்:

"உம்முடைய வசனம் என் கால்களுக்குத் தீபமும், என் பாதைக்கு வெளிச்சமுமாயிருக்கிறது."

— சங்கீதம் 119:105

ஒரு விளக்கு எப்படி இருளை அகற்றி முன்னோக்கிச் செல்ல வழிகாட்டுகிறதோ, அதேபோல தேவனுடைய வார்த்தையானது வாழ்க்கையின் ஒவ்வொரு சூழ்நிலைக்கும் தெளிவு, ஆறுதல் மற்றும் நிலையான வழிகாட்டுதலை வழங்குகிறது. இந்தப் புதிய சபையானது சமூகத்தில் ஒரு நிலையான வெளிச்சமாகத் திகழவும், பிரகாசமாக ஒளிரவும், ஆவிக்குரிய வளர்ச்சிக்கு ஒரு பாதுகாப்பான இடமாக அமையவும் ஜெபிக்கிறேன்.

ஒரு வலுவான அடித்தளம் உறுதியாக அமைக்கப்பட்டுள்ளது என்பதை அறிந்து, நீங்கள் தொடர்ந்து முழு நம்பிக்கையுடன் முன்னேற வாழ்த்துகிறேன். நாம் ஒன்றாக இணைந்து வளர்ந்து சேவை செய்யும்போது, நமக்கு பரிபூரண ஆசீர்வாதங்களும் எல்லையில்லா மகிழ்ச்சியும் கிடைக்கட்டும்!

நம்முடைய தொடக்க ஆராதனையின் செய்தியிலிருந்து ஒரு காரியத்தை உங்களுக்கு நினைவூட்ட விரும்புகிறேன்! “வாயிலிருந்து உலகத்தின் கடைசி வரை” என்ற நமது நோக்கத்தை யோசுவா மற்றும் அப்போஸ்தலர் 1:8 லிருந்து நாம் தியானித்தோம்!

இந்த வாரம், தேவன் உங்களோடு பேசுவதற்கு இடம் கொடுங்கள்! காலைதோறும் வார்த்தையைத் தியானியுங்கள்! சில வருடங்களுக்கு முன் “காலைதோறும் இயேசுவோடு" என்ற தின தியானங்களை செய்து வந்தோம். தியானங்களுக்கு முன்பதாக ஒலிப்பதற்காக, ஒரு சிறிய பாடல் ஒன்றை நான் எழுதியிருந்தேன். அந்தப் பாடலை இங்கு இணைத்திருக்கிறேன். உங்களுக்கும் ஆசீர்வாதமாக இருக்கும் என்று நம்புகிறேன்!

நீங்கள் ஆசீர்வதிக்கப்பட்டவர்கள்!

அன்புடன்,

Ps. ஜெயகரன் வெஸ்லின் (Jeyakaran Weslyn)

போதகர் (Senior Pastor), Vaarthai Evangelical Church Inc